Se che gustou Del Revés, non podes perderte este espectáculo de títeres para toda a familia.

A través dos nosos amigos Melancolía, Irritación e Seguridade descubriremos que son as emocións, como nos fan sentir e o divertidas que son, así como o complexas que poden ser.

Estes tres personaxes levarannos a outros lugares onde cantaremos, riremos e aprenderemos a entender por que nos sentimos como nos sentimos.

Este espectáculo busca reunir unha serie de emocións co obxectivo de transmitir a súa importancia, ademais de permitir que os nenos e nenas poidan sentirse identificados e comprender por que senten o que senten e como actuar en consecuencia.

Así preténdese dignificar cada emoción, poñendo en valor as súas funcións biolóxicas e a súa importancia a nivel psicolóxico.

Por iso, é imprescindible entendelas e identificalas xa que nos acompañan ao longo das nosas vidas. De feito, non só nos acompañan, as emocións perséguennos en forma de pequenos seres peludiños de cores, e todas elas son diferentes. E ao longo deste espectáculo, de xeito divertido, emocional e didáctics, entraremos en contacto con todas elas.

LEMBRAMOS QUE PARA ACCEDER AO AUDITORIO SERÁ PRECISO QUE CADA PERSOA (NENO, NENA E ACOMPAÑANTE) DISPOÑA DA SÚA PROPIA ENTRADA, QUE TAMÉN PODERÁ ADQUIRIRSE O DÍA DA FUNCIÓN MEDIANTE PAGO CON TARXETA.
NON SE PERMITIRÁ A ENTRADA A QUEN NON DISPOÑA DELA.